- Претседателот Зеленски и Џо Бајден направија апсолутно ужасна работа што дозволија да почне оваа травестија, напиша Трамп на својата платформа „Truth Social“.
- Имаше толку многу начини да се спречи тоа да почне, продолжи тој, без да даде детали за тоа како можела да се запре инвазијата што ја нареди рускиот претседател Владимир Путин во февруари 2022 година.
Војната меѓу Русија и Украина е војна на Бајден, а не негова, рече Трамп. Тој рече дека неодамна ја презел функцијата и немал проблем да ја спречи војната за време на неговиот претходен мандат, бидејќи Путин го почитува.
Американскиот претседател се залага за договор за ставање крај на војната и одржува блиски врски со Кремљ преку неговиот специјален пратеник Стив Виткоф, пренесе ДПА.
Договорот предвиден од владата на Трамп на неколку начини кореспондира со аспирациите на Москва: Украина да се откаже од своите аспирации да се приклучи на НАТО и американски војници да не бидат дел од можните мировни сили.
