Трговските и царинските војни ги поткопуваат „правата и легитимните интереси на сите земји, му штетат на мултилатералниот трговски систем и влијаат на светскиот економски поредок“, изјави кинескиот претседател Си Џинпинг за време на средбата со претседателот на Азербејџан, Илхам Алиев, кој е во официјална посета на Пекинг.
Според кинеските државни медиуми, Си нагласил дека Кина е подготвена да соработува со Азербејџан во заштитата на меѓународниот систем во кој Обединетите нации играат централна улога, како и во зачувувањето на правниот поредок во меѓународните односи.
Според него, целта на таа соработка е „заштита на легитимните права и интереси на двете земји, како и одбрана на меѓународната правда и еднаквост“.
