Тој штотуку се слушнал со пријателите и неговиот брат кои имаат домови во областа загрозена од шумски пожари и им кажал дека немаат за што да се грижат, објави Њујорк Пост.
Неколку часа подоцна се случило незамисливото, а пожарот стигнал до таа населба, а Фенеси не можел да го добие братот на телефон.
„Неговиот телефон престана да работи, се плашев од најлошото. Мислев дека треба да одам таму“, рече тој, додавајќи дека потоа му се јавил братот и му рекол дека е безбедно евакуиран со семејството.
Фенеси вели дека решил да оди и да провери во каква состојба е куќата на неговиот брат. Она што го нашол било целосен кошмар, а улиците што ги знаел биле непрепознатливи, сè било уништено.
California fire chief uses milk and beer to save 2 homes in... https://t.co/hTiFbo5OpV
— Rich Tehrani (@rtehrani) January 17, 2025
Тој додаде дека се шокирал кога видел дека куќите на неговиот брат и еден пријател се уште стојат, додека околните куќи веќе се во пламен. Прво сакал да ги елиминира запаливите материјали како што е гасот, но вентилот веќе почнал да се топи. Фенеси успеал да најде црево, но бидејќи немало вода, влегол во куќата барајќи нешто да го излади вентилот за гас.
Во фрижидерот нашол млеко и неколку пива кои ги полил по вентилот и го затворил. Тоа било доволно гасот да не се запали и да експлодира, а тие две куќи биле единствените во целиот блок што не изгореле.
„Ова е нашата нова реалност и мислам дека ќе има сѐ повеќе вакви урбани пожари“, заклучува Фенеси.
