Претседателот на Аргентина, Хавиер Милеј изрази сочувство за смртта на папата. Односите меѓу папата Франциско и претседателот Милеј на почетокот беа затегнати, но со текот на времето се подобрија, објави Ројтерс.
Милеј, кој ја презеде функцијата во 2023 година, остро го критикуваше папата за време на неговата изборна кампања, нарекувајќи го „имбецил кој ја брани социјалната правда“, „језуит кој го промовира комунизмот“ и „претставник на корупцијата на Земјата“.
Seven-day mourning in Pope's native Argentina https://t.co/yT9xzg9e2k
— Börsenberichte (@BoersenDE) April 21, 2025
Argentine President Javier Milei signed a decree declaring a seven-day mourning period after the death of Pope Francis, who was born in the South American country, Government Spokesp…
Овие изјави го одразуваа слободарскиот и антикомунистичкиот став на Милеј, кој беше во спротивност со посветеноста на Папата за социјална правда и грижа за сиромашните.
Сепак, папата Франциск, исто така Аргентинец, според кардиналот Виктор Мануел Фернандез, не ги сфатил лично зборовите на Милеј, туку ги сметал за дел од кампањата.
По изборната победа на Милеј, дојде до пресврт во нивната врска, тие се сретнаа во Ватикан на 11 февруари 2024 година, по повод канонизацијата на првиот аргентински светец, каде срдечно се прегрнаа. Милеј подоцна изјавил дека почнал да гради позитивни односи со Франциск, нарекувајќи го „најважниот аргентински и католички лидер во светот“.
По повод смртта на папата Франциск денеска, Милеј му оддаде почит и изјави дека му претставувало голема чест што се сретнал со папата.
