Домаќинот ,британскиот премиер Стармер овој самит го нарече „момент кој се појавува еднаш во генерација“ за европската безбедност, додавајќи дека добар мировен исход за Украина, исто така, ќе биде од витално значење за безбедноста на нациите ширум континентот.
„Во моите разговори во последните неколку дена, се договоривме група од нас да работи со Украина на план за прекин на борбите и потоа да разговара за тоа со САД и да продолжи напред заедно“, рече Стармер.
„Дури и додека Русија зборува за мир, тие продолжуваат со својата немилосрдна агресија. „Тоа е агендата и треба да се договориме кои чекори ќе излезат од овој состанок за да се постигне мир преку сила за доброто на сите.
На самитот е присутен и украинскиот претседател Володимир Зеленски, кој во Лондон беше пречекан од премиерот на Обединетото Кралство Кир Стармер.
Шефот на НАТО истакна три клучни пораки во пресрет на самитот.
Генералниот секретар на НАТО Марк Руте на платформата Х рече дека е „многу оптимист“ пред самитот во Лондон.
1. Поддржете ја Украина денес. Сите во Европа ќе треба да дадат повеќе.
2. Сите сакаме мировен договор и тој мора да биде постојан, нагласувајќи дека Европа во овој процес мора„навистина презема одговорност“.
3. За да го одржи НАТО силен, Европа ќе ги зголеми трошоците за одбрана.
На средбата се и канадскиот премиер Џастин Трудо и турскиот министер за надворешни работи Хакан Фидан.
Самитот на европските лидери се одржува во Ланкастер Хаус во центарот на Лондон.
