Полицијата претходно соопшти дека се убиени најмалку две лица. Осомничениот 32-годишен студент застрелал и убил 39-годишна жена која живеела во неговото соседство и ја застрелал нејзината 14-годишна ќерка. Девојчето подоцна починало во болница.
Откако ја запалил куќата на убиената, напаѓачот отишол во Универзитетската болница на Медицинскиот центар во Ротердам, каде влегол во амфитеатарот и ја убил 43-годишната професорка. Мажот бил уапсен во близина на болницата, каде што подметнал пожар. Неговиот мотив е непознат.
„Шокирани сме од страшниот инцидент. Пукање имаше на две различни места во градот. Многу луѓе беа сведоци на тоа“, изјави градоначалникот на Ротердам Ахмед Абуталеб. Главниот обвинител Хуго Хиленар рече дека осомничениот ѝ бил познат на полицијата и дека бил кривично гонет и осуден за злоупотреба на животни во 2021 година.
🔥 DRINGEND: Enorme brand uitgebroken in een lokaal van #ErasmusMC! Beelden zijn schokkend 🎥.
Hulpdiensten zijn ter plekke. Blijf uit de buurt en zorg voor elkaar, #Rotterdam!
Erasmus MC pic.twitter.com/OW0NS3uh7u
— Dr. Avinash Dinmohamed (@ADinmohamed) September 28, 2023
На снимката објавена на интернет се гледа како полицијата им дава инструкции на студентите, од кои некои биле во бели медицински мантили, да истрчаат надвор додека вооружени полициски екипи пристигнале на местото на настанот. На една снимка се гледа маж со лисици на рацете кој носи војнички панталони. Полицијата соопшти дека нема индикации за втор напаѓач.
#Rotterdam #ErasmusMC #Schietpartij Beelden van binnen in het EMC pic.twitter.com/IGPxYN2Jy4
— Dylano van Klaveren (@DylanOwner1) September 28, 2023
Полицијата претходно соопшти дека нивната екипа влегла во болницата во потрага по напаѓачот, опишан како висок човек во борбена опрема. Локалните безбедносни служби известија дека избувнал пожар во куќата, кој во меѓувреме е изгаснат, а локалните медиуми јавуваат дека пожар избувнал и на универзитетот.
