„Телата на сите загинати војници, како и сите фрагменти од урнатиот авион, се пронајдени. Грузиските и турските експерти продолжуваат со својата работа на местото на настанот“, изјави грузискиот министер на прес-конференција, објави Интерфакс.
Тој прецизираше дека повеќе од илјада грузиски полицајци и војници биле вклучени во операциите за пребарување.
Турски воен транспортен авион Ц-130 се урна во Грузија во вторникот, на пет километри од грузиско-азербејџанската граница, по полетувањето од Азербејџан.
Според турското Министерство за одбрана, во авионот имало 20 лица, од кои ниту едно не преживеало.
Во Грузија е отворена кривична постапка за можни прекршувања на безбедноста на летот.
