Високиот претставник на јеменските Хути, Махди ал-Машат изјави дека американските напади врз милитантната група не постигнале ништо друго освен убивање цивили, пренесе Ал Џезира.
Ал Машат, шеф на Врховниот политички совет на Хутите, го минимизираше ефектот од американските напади врз воените способности на јеменската група, наведува катарската телевизиска мрежа.
„Од првиот напад до денес, Американците не постигнаа ништо освен убивање деца, жени и цивили и гаѓање цивилни службеници“, рече Ал Машат.
Тој повтори дека Хутите ќе продолжат со нападите врз Израел и бродските линии во Црвеното Море додека не заврши војната во Газа.
Администрацијата на американскиот претседател Доналд Трамп ги засили американските напади врз Хутите, извршувајќи речиси секојдневни напади во Јемен, велејќи дека нападите биле насочени кон лидерите на Хутите.
