Се забележува дека, на иницијатива на унгарската страна, е одржан телефонски разговор меѓу рускиот претседател и унгарскиот премиер.
„Виктор Орбан изрази подготвеност да обезбеди услови за организирање на евентуален самит Русија-САД во Будимпешта“, се вели во соопштението.
Унгарскиот премиер претходно денес изјави дека вчера разговарал телефонски со американскиот претседател и дека подготовките за средбата на Путин со американскиот претседател Доналд Трамп во Будимпешта се во полн ек.
Откако Трамп вчера објави дека ќе се сретне со Путин во унгарската престолнина за да разговара за прекинување на војната во Украина, Орбан рече дека Будимпешта сега е единственото место во Европа каде што би можела да се одржи таков состанок.
Според него, Унгарија е речиси единствената земја што постојано, отворено и активно се залагала за мир во последните три години.
