„Тие се согласија дека сите сојузници имаат улога во овие напори“, рече изворот по состанокот.
Нивните разговори доаѓаат во време на голема загриженост бидејќи американскиот претседател Доналд Трамп постојано изразува интерес за Гренланд, автономна територија на Данска, да стане дел од Соединетите држави од неговиот реизбор во ноември.
Трамп рече дека Гренланд е од витално значење за безбедноста на САД и дека Данска мора да се откаже од контролата на стратешки важниот арктички остров и не ја исклучи можноста за употреба на воена или економска сила за да ја постигне својата цел.
Тој, исто така, е во несогласување со европските сојузници околу трошоците за одбраната и рече дека под негово претседателство САД „фундаментално ќе ја преиспитаат целта и мисијата на НАТО алијансата“.
Данска вчера соопшти дека ќе потроши 14,6 милијарди дански круни или околу две милијарди долари за зајакнување на своето воено присуство на Арктикот.
По средбата со францускиот претседател Емануел Макрон, данската премиерка Мете Фредериксен рече дека политичките лидери во Европа и пошироко дале целосна поддршка на принципот за зачувување на почитувањето на меѓународните граници, што е уште една прикриена референца за интересот на Трамп за Гренланд, според Ројтерс.
