Макрон ја повика публиката да покаже почит кон говорниците, велејќи дека таквото однесување е несоодветно за време на дебатите посветени на културата и младите. Неговата реакција предизвика аплауз од дел од публиката, по што беше воспоставен ред и програмата продолжи.
„Извинете. Еј, еј. Жал ми е, но е невозможно да се зборува за култура и толку инспирирани луѓе да дојдат тука да одржат говор со толку многу бучава. Тоа е целосно отсуство на почит“, ѝ рече Макрон на публиката.
„Предлагам ако сакате да зборувате за нешто друго, да имате услови за билатерални средби или можете да излезете надвор. Ако сакате да останете тука, да ги слушате луѓето и сите ќе играме според истите правила. Ви благодарам“, додаде тој.
😤 “This is total disrespect!” Macron scolded the audience during a summit in Nairobi
— NEXTA (@nexta_tv) May 11, 2026
The French president interrupted the “Africa Forward” cultural conference because of the noise in the hall and demanded that attendees either listen to the speakers or leave.
“Sorry, but it’s… pic.twitter.com/FWHfU2DCsm
Самитот како платформа за редефинирање на односите меѓу Африка и Франција
Макрон е во Кенија за самитот „Африка напред“, дводневен собир заеднички организиран од кенискиот претседател Вилијам Руто и Франција. Самитот е претставен како главна платформа за редефинирање на односите меѓу Африка и Франција и зајакнување на соработката во областите на економски развој, иновации, инвестиции и глобално управување.
На самитот присуствуваат африкански претседатели и премиери, претставници на Африканската унија, меѓународни финансиски институции, партнери за развој, инвеститори, бизнисмени, иноватори и претставници на креативните индустрии. Организаторите тврдат дека самитот има за цел да постави нова рамка за партнерството меѓу Африка и Франција, заснована на еднаквост, меѓусебно почитување и заеднички просперитет.
Самитот се одржува под покровителство на Макрон и Руте, а е ко-организиран од Bpifrance, Business France и Proparco. Се очекува да присуствуваат повеќе од 1.500 бизнис и институционални лидери од Африка и Франција.
Главниот фокус на форумот ќе биде да се прикаже иновацискиот потенцијал на Африка и да се најдат решенија за новите предизвици со кои се соочува Африка и остатокот од светот. Самитот се одржува во време кога африканските земји сè повеќе бараат поголема улога во глобалното донесување одлуки, финансирањето на климатските промени, трговијата и одржливиот развој.
