Анкетата на Политбарометар за радиодифузерот ЗДФ (ZDF) покажа дека 62 отсто од испитаниците ја сметаат партијата за премногу пријателска кон руското раководство, при што само 28 отсто не се загрижени за ова прашање.
Меѓу поддржувачите на АфД, најголемата опозициска партија во Германија, само 10 отсто веруваат дека односите со Москва се премногу блиски, а 87 отсто не се согласуваат, пренесува германската агенција.
Врските на партијата со Русија во последните неколку недели предизвикаа контроверзии во Берлин, откако неколку пратеници на АфД отпатуваа за Сочи на конференција и покрај војната во Украина.
Неодамнешното патување беше широко критикувано од германските партии, а конзервативниот пратеник Мартин Хубер ја обвини АфД за „предавство“.
Ко-лидерите на АфД, Алис Вајдел и Тино Чрупала, се обидоа да презентираат заеднички фронт за ова прашање претходно овој месец откако се појавија јавни разлики.
Вајдел го критикуваше патувањето, велејќи дека таа „не разбира што тие треба да прават таму“.
Во меѓувреме, Чрупала предизвика немири во партијата поради гостувањето во ток-шоу неделава, во кое рече дека во моментов не гледа конкретна опасност за Германија од Русија, потсетува ДПА.
Понатаму, тој за рускиот претседател Владимир Путин рече: „Тој не ми направи ништо“.
