Висок ирански безбедносен функционер синоќа изјави за американската телевизиска мрежа Си-Ен-Ен дека неговата земја му нанела „стратешки“ пораз на американскиот претседател Доналд Трамп и дека неговата ескалација на реториката кон Иранците го одржува неговото губење на контролата врз конфликтот.
„Воениот неуспех на Трамп, во координација со (израелскиот премиер Бенјамин) Нетанјаху во јужен Исфахан, е стратешки неуспех - а неговото интензивирање на навредите и навредливиот јазик кон иранскиот народ покажува дека тој ја изгубил контролата врз управувањето со оваа војна“, рече изворот, чие име и позиција Си-Ен-Ен не ги откри.
Иран вчера објави дека не се согласува со предлогот на Пакистан за прекин на огнот.
Изворот рече дека писмо за таква одлука им било доставено на Американците преку посредник, Пакистан.
Без да ја прецизира содржината на писмото, изворот оцени дека Техеран го искажал својот став „јасно“ во смисла дека Ормуската Теснина „нема да се врати во претходната состојба сè додека војната не биде трајно запрена“.
Иранскиот функционер рече дека дури и во случај на целосно прекинување на нападите од страна на Иран, отворањето на теснината е можно само врз основа на протокол поврзан со целосно исполнување на обврските на другата страна.
„Иран не им верува на Трамп и неговите претставници, па затоа побара дополнителни гаранции. Иран сака војната да заврши, но не на начин и во временската рамка што ја сака Трамп“, додаде изворот.
