Претседателот Емануел Макрон го осуди „кукавичкиот напад“ во Анеси и на Твитер напиша дека „нацијата е во шок“.
Сириецот нападнал деца на возраст од околу три години на детско игралиште во големиот парк што се протега покрај езерото Анеси. Според извори блиски до случајот, во животна опасност се две деца и еден возрасен.
Напаѓачот во полицијата изјавил дека е сириски државјанин роден 1991 година и барател на азил. Познато е и дека сторителот на делото немал полициско досие. Во моментов се утврдува дали овој напад е од терористичка природа.
Полицијата соопшти дека нападот се случил во 9 часот и 45 минути во многу посетениот парк Европа на брегот на езерото Анеси. Првичните информации беа за осум повредени како последица од нападот со ладно оружје. Францускиот министер за внатрешни работи Жералд Дарманин на Твитер објави дека напаѓачот е уапсен благодарение на брзата реакција на полицијата.
Според весникот Le Dauphiné Libéré, жртвите биле пренесени во болничкиот центар Анеси Женевоа, а сведоците на злосторството се во зграда во близина на местото на злосторството. Во изјавите на очевидците се вели дека напаѓачот откако ги повредил децата со ладно оружје, се обидел да избега, а потоа ранил постар човек, пред да биде уапсен од полицијата.
Во Париз, претставниците на Националното собрание и членовите на владата одржаа едноминутно молчење. Претседателот на парламентот Јаел Браун-Пиве ги покани да одржат едноминутно молчење за „нападнатите и нивните семејства“. Премиерката Елизабет Борн и министерот Дарманин денеска треба да пристигнат во Анеси.
„Ужасен напад утрово на шеталиштето во Анеси. Моите мисли се со жртвите и нивните семејства“, напиша градоначалникот Франсоа Асторг на Твитер и ги повика локалните жители и посетителите да го избегнуваат шеталиштето за да може полицијата да ја заврши својата работа.
На овој настан реагираше целиот политички естаблишмент. Аурора Берге, претседателката на мнозинската пратеничка група на претставници на партијата Ренесанса во парламентот, рече дека „сите се обземени од вознемиреност“, додека Ерик Чиоти од редовите на републиканците зборува за „силни емоции и голем гнев“.
„Како е можно ова? Ги нападна најмалите, ги избоде со нож. Срцето ни е скршено на илјада парчиња“, рече Жан-Лук Меланшон, лидер на екстремно левичарскиот француски блок.
„Возбуда и ужас“, напиша на Твитер Марин Ле Пен, лидер на екстремно десничарската партија Национален собир (РН).
Поранешниот фудбалер на Ливерпул, Ентони Ле Талек вели дека бил сведок на дел од нападот. Во видеото на Инстаграм, тој вели дека трчал покрај езеро во Анеси и се сеќава дека луѓето трчале кон него и му рекле да бега – затоа што самите го виделе напаѓачот.
Attaque au couteau à Annecy: l’interpellation de l’agresseur filmée par un témoin pic.twitter.com/Q0EHJypyRr
— BFMTV (@BFMTV) June 8, 2023
Ле Талек вели дека осомничениот потоа се појавил пред него, прогонуван од полицајци. „Ми пријде, па се оддалечив, се оддалечив“, вели тој. „Го гледам како оди кон бабата и дедото, па го нападна дедото. Ле Талек додава: „Им реков на полицајците „Стелајте го! Убијте го!“
