Сепак, локален службеник во најтешко погодената нигериска држава Нигер, Муса Кимбоку, изјави дека спасувачките напори се прекинати бидејќи властите не веруваат дека има преживеани, објави Би-Би-Си.
Поплавите, најлошите во областа во последните 60 години, го погодија градот Моква по обилните дождови и однесоа сè во градовите Тифин Маза и Ангуван Хаусава.
Некои локални жители рекоа дека поплавите биле толку катастрофални бидејќи пукнала блиската брана, но властите не го потврдија ова. Националната агенција за управување со вонредни состојби вчера соопшти дека започнала процесот на дистрибуција на пакети за помош на погодените.
Агенцијата додаде дека поплавите оштетиле и патишта и мостови, што довело до прекини во сообраќајот на многу места. Нигерискиот Црвен крст соопшти дека поплавите предизвикале значителни жртви и уништување.
Локалниот службеник Муса Кимбоку изјави дека властите во моментов ги ексхумираат телата закопани под урнатините за да спречат ширење на болести.
Over 700 Feared Dead in Nigeria Flood Disaster, Authorities Confirm#NigeriaFloods #MokwaDisaster #ClimateCrisis #HumanitarianEmergencyhttps://t.co/CcqgabAgjt
— RKS NEWS (@RksNews) June 2, 2025
Нигерија често е погодена од сезонски поплави, особено по бреговите на реките Нигер и Бенуе. Поплавите во септември минатата година убија најмалку 30 лица, а милиони беа раселени во североисточниот нигериски град Мајдугури.
