Според извештаите, авионот „Ербас А330“ полетал од Хонолулу и морал да слета на аеродромот Ханеда. Инцидентот се случил додека на летот имало 140 патници. Министерството за транспорт, инфраструктура и туризам потврди дека причина за пожарот бил мобилен телефон.
За среќа, персоналот реагирал брзо и уредот бил ставен во огноотпорна кеса. Пожарот не се проширил низ целата кабина, објавува „Мирор“.
Порано овој месец, друг авион на „Хавајан ерлајнс“ беше снимен како испушта чад непосредно пред полетувањето.
Застрашувачки сцени беа снимени на меѓународниот аеродром во Лос Анџелес на 13 април. Авионот требало да лета до аеродромот Кахулуи на Хаваи.
Шокантните снимки покажуваат чад како се издига од долната страна на авионот додека тој се наоѓал на пистата. Авиокомпанијата подоцна потврди дека летот 33 „безбедно го прекинал полетувањето“.
Според извештаите, проблемот се случил на предното тркало, при што се регистрирани вибрации во таа област. Предниот дел наводно бил „нестабилен“, што го отежнувало продолжувањето на летот.
Официјалните лица изјавија дека авионот се вратил на портата за патниците да можат безбедно да се симнат. Потоа авионот бил испратен на технички преглед и поправка. Портпаролот на компанијата изјави за „Њујорк пост“: „Безбедноста на нашите вработени и патници е наш врвен приоритет и искрено се извинуваме за непријатностите“.
Поради инцидентот, патниците беа задоцнети околу четири часа. Сите безбедно го напуштија авионот и никој не бил повреден.
