Арагчи, во писмо до Гутереш, објавено од иранското Министерство за надворешни работи пред состанокот на Советот за безбедност на ОН, рече дека американската Влада мора да биде одговорна за она што тој го нарече криминален напад, објави Си-Ен-Ен.
„Се очекува вонредната седница на Советот за безбедност на ОН, кој е свикан за да се справи со овој чин на агресија, да издаде јасна, цврста и недвосмислена осуда на САД како постојана членка на Советот за безбедност“, рече Арагчи.
Арагчи во писмото додаде дека „светот ја следи“ ситуацијата во Иран.
„Светот набљудува, неактивноста не само што ќе ја влоши оваа криза, туку дополнително ќе ја поткопа глобалната безбедност“, рече Арагчи.
САД вчераноќ извршија напади врз три ирански нуклеарни постројки, Фордоу, Нетанц и Исфахан, по што на барање на Иран беше свикана итна седница на Советот за безбедност на ОН.
