Како што пишува „Гардијан“, Никол Мичерони опишала како на 11 април добила електронска пошта со наслов „известување за престанок на привремениот статус“.
„Време е да ги напуштите Соединетите Американски Држави“, се вели во мејлот. „Доколку не ги напуштите САД веднаш, може да бидете предмет на можни дејствија за спроведување на законот што ќе резултираат со ваше отстранување од Соединетите држави.
„Најпрво мислев дека е за клиент, но погледнав внимателно и единственото име на е-поштата беше моето“, изјави таа за NBC Boston.
„Веројатно, се надевам, (е-поштата, оп. а.) ми беше испратена по грешка. Но, малку е загрижувачки што ваквите пораки се испраќаат до американските граѓани“.
MA immigration attorney Nicole Micheroni, a U.S. citizen,received a shocking #DHS email demanding she leavethe country immediately due to an immigration notice error. "I think it’s really scary… they’re not being careful," she told
— Dr. Subhash (@Subhash_LiveS) April 14, 2025
#ImmigrationJustic #DHSerror #NoDeportation pic.twitter.com/7MXrNkbNxz
Агресивна кампања за отстранување на лица од САД
Веста за е-поштата на Американката Мичерони доаѓа додека администрацијата на Трамп води агресивна кампања за отстранување на странски државјани од Соединетите држави, вклучувајќи ги и оние кои се таму легално и не се обвинети за злосторства. Трамп, исто така, јавно размислуваше да ги отстрани американските граѓани кои вршат неодредени злосторства од земјата и да ги испрати во затвор во Ел Салвадор.
Отстранувањето на американските граѓани од САД е нелегално, велат експертите.
Тактики за заплашување
Претставник на американското Министерство за домашна безбедност (DHS) изјави за NBC Boston дека Мичерони можеби го добила известувањето затоа што нејзиното име и информациите за контакт се во документацијата на клиент.
Царината и граничната заштита на САД (CBP) „користеше познати адреси на е-пошта на странци за испраќање известувања“, изјави претставник на DHS за телевизијата. „Ако странскиот државјанин дал општа адреса на е-пошта, како што е контакт со државјанин на САД, известувањата можеби биле испратени до ненамерни примачи“.
Wow! HHS is hitting new levels of recklessness and incompetence…
— Christopher Webb (@cwebbonline) April 15, 2025
U.S. citizens are being threatened with deportation by Homeland Security.
Nicole Micheroni isn’t just a citizen—she’s an immigration attorney. And she got a notice to leave the country in 7 days. pic.twitter.com/iB535CjGpg
„ЦБП ги следи комуникациите и ќе се справи со секој случај поединечно“.
Мичерони, која е адвокат за имиграција веќе 12 години, рече дека никогаш порано не видела одземен привремен статус преку е-пошта. Таа додаде дека лично не е загрижена поради оваа грешка, туку дека е загрижена дека таквите пораки би можеле да ги исплашат другите имигранти, па дури и американските граѓани и смета дека тоа е обид за заплашување и притисок врз луѓето да ја напуштат земјата.
„Мислам дека ова е тактика за заплашување. Мислам дека сакаат луѓето да се плашат од имиграцијата“, рече таа.
