Витерспун сè уште не го открила насловот на книгата, но според веб-страницата за претходна нарачка, таа е закажана за објавување во октомври 2025 година. На истата страница пишува и дека романот на дуото ќе има 352 страници и ќе го дистрибуира Grand Central Publishing, пишува Variety.
Во објавата на Инстаграм, актерката сподели фотографија со Кобен и напиша во описот: „Возбудена сум што можам да кажам дека го пишувам мојот прв трилер со бр. 1 најпродаваниот автор Харлан Кобен! Како огромен обожавател на работата на Харлан , не можам да верувам дека се согласи да работи со мене или јас сум најубедливата личност во светот или идејата за оваа книга е премногу добра. Искрено, едвај чекам сите да ја прочитате.“
Витерспун досега има напишано три книги за деца од серијата „Зафатена Бети“ и ги објави мемоарите „Виски во шолја“ во 2018 година, а соработката со Кобен го одбележува нејзиниот прв роман. Нејзиниот коавтор има напишано 35 романи во својата долга кариера, вклучувајќи ги Win, The Boy from the Woods, Run Away, Fool Me Once и бројни други дела. Наскоро на Нетфликс доаѓа уште една мини-серија базирана на неговиот роман Missing You.
