Според „Дејли меил“, Џин е погребан до неговата сопруга во Ново Мексико, но нивниот гроб сè уште нема надгробен споменик. Збогувањето го организираа неговите деца.
Конечни резултати од обдукција
Нивната ненадејна смрт предизвика голем интерес кај јавноста, како и кај истражните органи, кои дури кон крајот на април ги објавија официјалните резултати од истрагата и причините за смртта.
Конечните резултати од обдукцијата на легендарниот добитник на Оскар, Џин Хекман, открија сериозни здравствени проблеми што актерот ги имал пред неговата смрт. Хекман со години страдал од конгестивна срцева слабост и имал изразени хронични хипертензивни промени во бубрезите. Во 2019 година, му бил вграден бивентрикуларен пејсмејкер, а обдукцијата дополнително покажала присуство на невродегенеративни промени поврзани со Алцхајмерова болест.
„Беа откриени тешки атеросклеротични и хипертензивни промени во кардиоваскуларниот систем, беа поставени стентови во коронарните артерии, беше направен бајпас и претходно беше заменета аортната валвула“, се наведува во извештајот. Исто така, биле пронајдени траги од стари срцеви удари, додека анализата на мозокот открила микроскопски знаци на напредна Алцхајмерова болест.
Аракава починала од болест што ја пренесуваат глодари
Неговата сопруга починала од хантавирусен пулмонален синдром (HPS). Исто така, се наведува дека нејзините бели дробови биле затнати во моментот на нејзината смрт, што укажува дека болеста, која ја пренесуваат глодари, била во напредна фаза.
HPS е ретка, но потенцијално фатална вирусна болест која се пренесува на луѓето преку урината, изметот или плунката на одредени видови стаорци и глувци. Вирусот може да се пренесе и преку каснување или гребење од заразен глодар.
