За време на доделувањето на Icon Awards, Кејџ ги повикал актерите да се спротивстават на притисокот од студијата кои користат вештачка интелигенција за менување на изведбите на актерите.
Кејџ ја истакна важноста од зачувување на автентичноста и „рачно изработената“ природа на глумата, нарекувајќи ја „процес на срце, имагинација и детална мисла“.
Во својот говор, Кејџ укажа на технологијата позната како EBDR (дигитална реплика базирана на вработување), која е воведена како дел од новиот договор помеѓу синдикатот SAG-AFTRA и холивудските студија по двојните штрајкови во 2023 година. EBDR овозможува користење на дигитални копии на актери, дозволувајќи им на студијата да ги менуваат изразите на лицето, гласот и говорот на телото на актерите, дури и по снимањето. Кејџ ги повика младите актери да бидат внимателни кога потпишуваат договори кои овозможуваат користење на технологијата EBDR.
Според новите правила, EBDR бара физичко присуство на актерот за време на снимањето, а актерите сè уште добиваат плата за деновите кога EBDR бил користен. Сепак, актерите со поголеми договори, кои заработуваат преку 80.000 долари по филм, имаат поголеми можности да преговараат за условите.
„Глумата е инструмент, а ние како актери не можеме да се криеме зад гитарите или тапаните. Оваа технологија сака да ви го земе инструментот“, рече Кејџ, нагласувајќи ја важноста од зачувување на индивидуалноста во уметноста.
На пример, неговото камео во 2023 година, The Flash користи технологија EBDR, а Кејџ објасни дека тоа е еден од првите примери на неговата примена кај него. Сепак, Кејџ останува гласен противник на вештачката интелигенција, изразувајќи загриженост за можното губење на автентичноста на уметникот во светот на филмот.
Во интервју за Њујоркер во јули, тој се осврна на пошироките последици од вештачката интелигенција, велејќи: „Се плашам од вештачката интелигенција. Каде ќе заврши вистината на уметникот? Дали ќе се замени или ќе ја снема?“
