Иако беше избран за играч на годината според ФИФА, иако доби уште неколку признанија дека е нај, нај во минатата година, сепак Винисус Жуиниор и неговите фанови како и фановите на Реал Мадрид уште ги боли фактот дека Родри ја доби најпрестижната награда во светот на фудбалот – “Златната топка“ а не Бразилцот.
На оваа тема пред неколку дена свој коментар имаше и Кристијано Роналдо кој рече дека Вини требало да ја добие таа награда или признание а не Родри.
Веројатно по се ова на Шпанецот му “прекипе“ па во изјава за шпанските медииуми му одговори на Роналдо:
„Што да кажам освен дека сум непријатно изненаден од изјавата на Роналдо. Па барем тој знае како сето функционира зошто и самиот во неколку наврати ја добил “Златната топка“. Оваа година новинарите гласаа за мене, како што гласаа истите новинари пред неколку години и за него. Тогаш му одовараше, а сега не му одговара“ посочи Родри.
