Поранешниот голман на Ливерпул, Симон Мињоле, ќе се пензионира ова лето и ќе се приклучи со работа во Белгиската фудбалска асоцијација. Тој одигра 204 натпревари за Ливерпул, а потоа замина на голот на Клуб Бриж. Сепак, ова лето тој најави заминување во пензија.
„Плејофот во лигата ќе биде последниот дел од мојата активна фудбалска кариера“, рече Мињоле, на прес-конференција денеска.
„Важно е транспарентно да се комуницира за да нема шпекулации за време на плејофот. Затоа засега не се збогувам емотивно. Сакам повторно да го освојам првенството“, дополнил тој.
Мињоле потврди дека останува во фудбалот, бидејќи по сезоната ќе започне на менаџерска позиција во Белгиската фудбалска асоцијација.
