Германскиот магазин „Кикер“ пишува дека Јулијан Нагелсман размислува дали да ја прифати поканата од Германскиот сојуз за да стане нов селектор на Германија. Според магазинот, Нагелсман знае дека нема да заработува толку колку што заработува сега според договорот со Баерн Минхен и затоа не би сакал да ја раскинува соработката на сметка на селекторската работа.
Платата очигледно ќе биде пресудна за тоа дали Германија ќе го добие својот селектор од соништата. Нагелсман се уште е под договор со Баерн, каде што добива по седум милиони евра годишно.
Ако се согласи на понудата од Германскиот сојуз ќе добие двојно помала плата. Ако Јулијан Нагелсман не се согласи со ДФБ, тогаш Феликс Магат ќе биде нов фаворит за селекторската позиција.
