Тренерот на Јувентус, Тиаго Мота беше разочаран од пропуштената победа против Фиорентина (2:2). Гостите израмнија на крајот од мечот по грешка во одбраната на „Старата дама“. Сепак, тренерот одби да ги обвини дефанзивците за овој резултат, бидејќи според него проблемот бил што неговиот тим не успеал да постигне трет гол за да го реши натпреварот.
„Се обидовме да нападнеме и да постигнеме трет гол. Моравме да го направиме тоа за да го решиме натпреварот, но на крајот му дадовме една шанса на противникот да се врати во игра. Не сакам да се фокусирам на грешките во одбраната. Имавме неколку дена одмор и имавме повеќе енергија, но не можевме да го решиме натпреварот“, изјави Мота.
Тренерот на Јувентус неколку пати повтори за пропуштените шанси.
“Имавме неколку добри моменти на натпреварот и заслуживме да постигнеме трет гол. Тоа беше единственото нешто што ни недостигаше. На другите натпревари успеавме да бидеме подобри во одбраната, вклучително и против Манчестер Сити. Но, денес требаше да постигнеме само трет гол“, убеден е тренерот.
