„Млекарите“ им ги скратија крилата на шампионите, Наполи трие раце (ВИДЕО)

5.04.2025
vesnik-fb-blue
vesnik-twitter-blue
„Млекарите“ им ги скратија крилата на шампионите, Наполи трие раце (ВИДЕО)

Фудбалерите на Парма успеаја да одиграат 2:2 на домашен терен против шампионот Интер, иако „нероаѕурите“ водеа и со 0:2 и беа на сигурен пат до трите бода на овој меч.

Актуелниот лидер во италијанскиот шампионат денеска му даде голема шанса на Наполи значително да ја намали разликата во трката за шампионската трка.

Миланезите поведоа во 15. минута кога Матео Дармијан го матираше домашниот голман, а Маркус Турам успеа да постигне гол во финишот на полувремето и за 0:2.

Веднаш на полувремето реагираше тренерот на домашните, Киву кој направи три измени, а токму тие му донесоа голем пресврт. Парма го постигна првиот гол благодарение на одличниот гол на резервистот Адријан Бернабе, а во 69. минута од натпреварот Јакоб Ондрејка погоди и за 2:2.


sportmedia.mk

© vesnik.com, правата за текстот се на редакцијата