Со доаѓањето на Мурињо на клупата, Реал почна да го составува новиот тим за следната сезона. Со денови се зборува дека едно од имињата кои мора да одат на продажба е Едуардо Камавинга, но како што објави „Атлетик“, Реал се соочува со проблем, затоа што Французинот не прифаќа никаков разговор за трансфер. Тој има намера и ќе остане во Мадрид и следната сезона.
Оттука, „кралевите“ сега мора да одат со опција Б и да почнат да разгледуваат дел од понудите за Оерелен Чуамени.
Продажбата на еден од играчите за врска е неопходна за да се ослободи простор за нов креативен играч, а главна цел на Мурињо е Енцо Фернандез. Челзи бара околу 120 милиони фунти за него, а самиот играч сака нов почеток и претпочита да се пресели во Мадрид. Алтернативни опции се Матеус Фернандес од Вест Хем, за кого има голема конкуренција, како и 18-годишниот Ајуб Буади од Лил, чија цена би била 80 милиони евра. Сепак, прво мора да се најде добар купувач за Чуамени.
