Откако пред неколку дена Аталанта го претстави како свој нов тренер за следната сезона, Хрватот Иван Јуриќ денеска и официјално беше претставен пред новинарите и навивачите на клубот од Бергамо.
„Мислам дека Аталанта има една фантастична структура. Ова е голем клуб, дури и гледајќи го спортскиот центар. Ова за мене е вајлд карта, бидејќи не се снајдов добро оваа сезона, но сега имам одлична можност да направам големи работи. Сакам да бидам свој, тоа што сум. Ќе видиме како се момците, тие имаа одлични резултати, многу позитивни работи. Јасно е дека Гасперини оставил трага со својата филозофија. Има многу интересни играчи, едвај чекам да ги тренирам сите“, изјавил Јуриќ.
