Данскиот репрезентативец Кристијан Ериксен е свесен и „се чувствува добро со оглед на околностите“ откако се онесвести на теренот за време на пријателскиот натпревар меѓу Данска и Украина во неделата, соопшти Данската фудбалска асоцијација (DBU).
Натпреварот беше прекинат откако 34-годишниот играч од средниот ред, кој игра за германскиот Волфсбург, се струполи на тревата во 65-тата минута од натпреварот, откако претходно се фати за градите.
Докторот на данската репрезентација, Мортен Бусен, потврди дека пејсмејкерот на Кристијан Ериксен реагирал како што треба.
„Кристијан е добро и самиот си замина од теренот. Според мене, пејсмејкерот работи како што треба. Накратко го немаше, но многу брзо се освести и брзо стапивме во контакт со него. Сега треба дополнително да се прегледа во болница за да се открие што го предизвикало инцидентот. Постојано сме во контакт со него и со лекарите во болницата. Но, Кристијан е добро и ме замоли да ги поздравам сите играчи и да кажам дека е добро.“
