Раководството на германскиот шампион Баер (Л), веќе се помирило со фактот дека следната сезона ќе мора да доведат нов тренер. Сите во редовите на „фармацевтите“ се убедени дека Чаби Алонсо ќе замине во Реал Мадрид.
Клубот од Леверкузен очекува шпанскиот стручњак да го води Мадрид од ова лето, но доколку таква соработка не дојде сега, сигурно ќе се случи идната година.
Ова делумно се должи на фактот што тренерските позиции во другите големи клубови – Ливерпул , Баерн Минхен и Манчестер Сити – веќе се пополнети, а Реал го гледа Алонсо како наследник на Карло Анчелоти.
