Тренерот на Реал Мадрид, Карло Анчелоти, беше повеќе од задоволен од победата од 5-1 над РБ Салцбург во Лигата на шампионите. Оваа победа беше важна за пласман во елиминациите. Искусниот стратег дури изјави дека не е лут поради примениот гол на крајот за Тибо Куртоа.
„Очигледно, нашата прва цел беше да победиме. Почнавме малку бавно, но набрзо ги поправивме работите. Ова е благодарение на класата што ја имаме во нападот. Никогаш не се сомневав во тимот. Мислам дека сме на добар пат, покажуваме одлична динамика. Не сум лут ни поради голот што го примивме. Никогаш не беше проблем да се игра со Мбапе, Винисиус и Родриго. Поважно беше да се концентрираме на дефанзивната работа и работите почнуваат да се развиваат“, изјави Анчелоти.
Тој зборуваше и за враќањето на Дејвид Алаба во игра по долго отсуство поради повреда.
„Неговиот напредок главно зависи од самиот него. Тој е многу блиску до враќање во стартниот тим. Ќе го гледам внимателно и ќе разговарам со него, чекајќи да ги слушнам зборовите: „Да, шефе, подготвен сум“, додаде тој.
