Со брза интервенција на пожарникарите изгаснат пожар во близина на бензинска пумпа

22.05.2020
vesnik-fb-blue
vesnik-twitter-blue
Со брза интервенција на пожарникарите изгаснат пожар во близина на бензинска пумпа

Противпожарните екипи попладнево успеаја да го изгаснат пожарот кој изби во близина на бензинска пумпа во скопската населба Радишани.

Благодарение на брзата интервенција на пет пожарникарски екипи, спречено е ширењето на пламените јазици и поголема материјална штета.

Според информациите од терен, припадниците на противпожарната бригада пожртвувано се качувале на камиони, автомобили и на оградите во близина, со цел што побрзо да го спречат ширењето на огнот.

Пожарот изби во објект околу кој имаше бујна вегетација, а според изјави на очевидци истиот настанал од искра при сечење железо.

Граѓаните во паника ги преместуваа своите возила паркирани во близина на пожарот и бензинската пумпа, која поради навремната интервенција од службите, остана надвор од дофатот на огнот.

извор: Makfax

© vesnik.com, правата за текстот се на редакцијата