Заврши првата фаза од реконструкцијата на булевар АСНОМ

17.05.2020
vesnik-fb-blue
vesnik-twitter-blue
Заврши првата фаза од реконструкцијата на булевар АСНОМ

Екипите на Град Скопје, со нанесување на последниот асфалтен слој на коловозот на булевар АСНОМ во општина Аеродром, викендов ја завршија првата фаза од реконструкцијата на овој булевар на потегот од крстосницата со улица Васко Карангелевски до крстосницата со булевар Србија кај мостот Близнак.

Проширениот булевар добива по 3 коловозни ленти во двете насоки, пешачки и велосипедски патеки од двете страни на булеварот и средишно зеленило.

По завршувањето на оваа фаза, булеварот преку новиот мост, којшто е веќе во изградба, треба да се поврзе со населбата Ќерамидница во општина Гази Баба, а оттука и Аеродром ќе добие нова сообраќајна релација кон Центар кај поранешен Скопски саем.

извор: Makfax

© vesnik.com, правата за текстот се на редакцијата