Изминатата вечер беше првиот ден од воведениот полициски час во земјава за да се запре ширењето на корона вирусот. На улиците немаше никој, по некое возило, веројатно, дел од службите кои со одобрение на Владата може да се движат навечер од 21 часот до наутро во шест часот. Кучиња слободно се шетаа низ улиците.
Министерот за внатрешни работи Наќе Чулев на својот профил на „Фејсбук“ напиша дека е на терен по скопските улици за време на полицискиот час. На социјалните мрежи денес се појави видео како еден скопјанец и бега на полицијата додека таа патролира по улиците. Човекот успешно се крие меѓу паркираните коли, можеби е вешт, ама гестот не му е за поздрав.
