Општина Карпош ги затвора сите детски игралишта, кои се заградени и кај кои постои можност да се заклучат. Целта е да не се собираат групи на деца и родители, а како резултат на спречување на ширење на Ковид 19 (коронавирусот), соопшти прес-службата на Општината.

– На територија на Карпош постојат и повеќе игралишта, фитнес зони кои се отворени. Ги повикуваме сите граѓани да не се собираат и да не ги користат овие рекреативни зони, стои во соопштението.

Од вчера целосно се забранува собирање во група на повеќе од пет лица, во паркови и на други јавни места и јавни површини. За оваа цел, се интензивираат и контролите на Министерството за внатрешни работи и Армијата на Република Северна Македонија. Станува збор за одлука од 23 – та седница на Владата, наведува Општината.

Општината повторно повикува на целосно почитување на препораките за заштита од коронавирус. 

Најчитани вести