Во новото основно училиште „Киро Глигоров“ во општина Центар денеска беше оворена новата училишна библиотека.

Со мал, пригоден настан, издавачката куќа „Просветно Дело“, која ги издава детските списанија Росица, Другарче и Развигор, во библиотеката донираше над 100 наслови за детска литература.

Во склоп на отворањето на читалната на кое учествуваше и градоначалникот на Центар, Саша Богдановиќ, учениците од основното училиште имаа можност да присуствуваат на пет книжевни работилници, а на нив учениците твореа и работеа и со домашните писатели за деца Ванчо Полазаревски, Наум Попески, Ксенија Трајчева, како и со поетесата Вера Андон.

 

извор: Makfax

Најчитани вести