Австриското обвинителство пред покраинскиот суд во Салцбург поведе обвинение против 71-годишен пензиониран офицер на австриската војска поради шпионажа. Тој е обвинет дека 25 години шпионирал за руската воена разузнавачка служба.
Полковникот во пензија е обвинет за дејствување во корист на странска разузнавачка служба на штета на Австрија, како и издавање државни и воено-разузнавачки тајни. Тој за време на своето дејствување издавал тајни за вооружените воени системи, задачи и структури за одбрана на земјата. За својата шпионска активност добил повеќе стотина илјади евра.
извор: Makfax