Поради силни турбуленции за време на лет на шпанската авиокомпанија „Евелоп“, повредени се најмалку 14 луѓе. Сите добиле медицинска помош во Мадрид.
„Авионот А330-343 Ербас безбедно слета на мадридскиот аеродром ‘Барахас’ по силните турбуленции кои траеја 15 секунди, поради што авионот ‘пропадна’ неколку стотици метри над Етиопија“, се наведува во соопштението на компанијата.
Меѓу повредените се и тројца членови на екипажот, кои се здобиле со полесни повреди.
Како што соопштија од компанијата, 11 повредени патници го игнорирале предупредувањето за врзување со сигурносниот појас пред авионот да влета во зоната на турбуленција.
извор: Makfax