Поради невремето кое денеска го зафати северниот и централниот дел на Хрватска, настанала паника на летот Дубровник-Загреб кога авионот бил погоден од гром непосредно пред слетувањето.
„Токму кога се приближувавме до Загреб и требаше да слетаме и ги минавме облаците, гром удри во авионот. Одеднаш се појави сина светлина и имаше силен удар, како да сте се судриле“, рекол патник кој бил на тој лет, пренесува 24 часа. Во тој момент настанала паника, а патникот вели дека во авионот се слушнале врисоци. – Кога сфатија што се случи, се смирија. И покрај турбуленциите, набрзо успеавме да слетаме“, додал тој.
Портпаролот на Кроација Ерлајнс Давор Јанушиќ официјално потврди дека авионот бил погоден од гром.
– Пред слетувањето, капетанот пријавил дека има удар на гром. Авионот е детално прегледан и не е констатирана штета и повторно ќе биде пуштен во сообраќај според планираното, рекол тој.
– Во однос на безбедноста на патниците, авионот е произведен и конструиран според принципот на Фарадеев кафез, односно како единствена челична мрежа, што значи дека штити од поголеми оштетувања при удар на гром бидејќи електричната енергија се пренесува во атмосферата по статички пат. . . со празнење, додал тој.
