Русија почнала да продава нафта на голем број нови купувачи, а обемот на испораки на неколку дестинации, вклучувајќи го и азиско-пацифичкиот регион, расте.
„Нема сомнеж дека руските нафтени компании бараат нови дестинации и градат нови логистички синџири во новонастанатата ситуација. Се разбира, гледаме дека има нови клиенти, а обемот на испораки во различни правци се зголемува, вклучително и Азија- Тихоокеански регион“, изјави потпретседателот на руската влада Александар Новак, пренесува Тас.
Русија, рече тој, исто така размислува за нови инфраструктурни проекти за диверзификација на испораките на нафта.
Проширувањето на нафтоводот до Кина (нафтовод Источен Сибир – Пацифик) е една од опциите, како и изградба на нови пристанишни капацитети, вели Новак, додавајќи дека е формирана работна група за разгледување на овие прашања.
Првиот заменик-министер Павел Сорокин претходно изјави дека руското Министерство за енергетика веќе започнало со составување листа на перспективни инфраструктурни објекти за нафта и гас што може да се изградат со цел да се диверзифицираат испораките.
Претходно, рускиот претседател Владимир Путин нареди забрзување на инфраструктурните проекти (железници, гасоводи и пристаништа) за извоз на енергија на јужните и источните пазари, велејќи дека е важно да се подготви план со руските компании за проширување на извозната инфраструктура во африканските и латиноамериканските земји, Азиско-пацифичкиот регион и за изградба на нови нафтоводи и гасоводи од полињата во западен и источен Сибир, објави Тас.
