По гласањето во средата за отповикувањето на американскиот претседател Доналд Трамп во Претставничкиот дом на САД, претседателот на долниот дом, Ненси Пелоси, демократ од Калифорнија, повтори дека претседателот е отповикан за поттикнување бунт и оцени дека тој претставува присутна закана за нацијата.

Потоа, Пелоси потпиша одлука на долниот дом на Конгресот за отповикување на претседателот Трамп, која потоа ќе биде испратена до Сенатот, за понатамошна постапка.

По потпишувањето на документот, Пелоси ја напушти салата за прес-конференции без зборови и дополнителни коментари.

232 пратеници во Претставничкиот дом гласаа „за“ повлекување, наспроти 197, а четворица не гласаа, потврди „Си-ен-ен“.

Вкупно седум пратеници во долниот дом на Конгресот немаат право на глас.

извор: Makfax