Далас Маверикс го победи Шарлот на гости со 104:93 во фантастично издание на Лука Дончиќ.
Словенецот во игра мина 35. минути за кои постигна 34 поени, 13 скока, девет асистенции и четири блокади. Од игра имаше 14 од 25, додека за три поени погоди пет тројки од девет обиди. НБА-лигата на својот официјален „Твитер“ објави видео-запис од неговата партија, може да се видат неверојатните асистенции и тројки кои ги постигна на оваа средба.
💫 @luka7doncic DOMINATES in the @dallasmavs 4th-straight W.
34 PTS | 13 REB | 9 AST | 2 STL | 4 BLK | 5 3PM pic.twitter.com/VLMzWnecti
— NBA (@NBA) January 14, 2021
За Дончиќ ова беше петти дабл-дабл во низа, и трет меч по ред кој го завршил со над 30 поени.
На останатитте средби, Милвоки беше подобар од Детроит со 110-101 во трипл-дабл на Јанис Адетокунбо, кој постигна 22 поени, десет скока и исто толку асистенции.
Лејкерси ја совладаа Оклахома со 128-99, прво име во редовите на актуелниот шампион беше Леброн Џејмс со 26 поени. Клиперс беа подобри од Њу Олреанс со 111-106.
Резултати: Шарлот – Далас 93-104, Детроит – Милвоки 101-110, Њујорк – Бруклин 109-116, Минесота – Мемфис 107-118, Оклахома – ЛА Клејкерс 99-128, ЛА Клиперс – Њу Орлеанс 111-106, Сакраменто – Портланд 126-132.
