Семејна експедиција во дивината заврши со смрт што ја шокираше локалната заедница и покрена прашања за безбедноста на туризмот во дивината.
Брутална заседа
Семејството Кебел, заедно со пријателите, кампуваше во пустината Кунене кога нападот се случил во раните утрински часови.
Бернд се симнал по скали од покривот на нивниот теренец за да оди во тоалет кога лавица по име Чарли - позната на локалните истражувачи - излетала од заседа.
„Слушнав тап удар, а потоа и ржење“, изјави Кони за локалните медиуми. „Погледнав низ отворот на шаторот и ја видов лавицата како го зграпчува Бернд за главата.“
Во напад на паника, но и решеност да го спаси својот сопруг, Кони ја искина сателитската антена од возилото и почна да ја удира лавицата по главата. Ѝ се придружил уште еден член на експедицијата, кој го удрил животното по главата со фенерче, што накратко го одвратило животното.
🇩🇪 German businessman Bernd Kebbel was eaten by lions during a safari. pic.twitter.com/7KIbFDRcrx
— Update NEWS (@UpdateNews724) June 4, 2025
Втор напад
За жал, Бернд не можел да се спаси - тој починал веднаш од сериозните повреди, објавува Дејли Меил.
Лавицата се повлекла во грмушките, но се вратила неколку пати обидувајќи се да се приближи до телото. Групата влегла во возилата, а Кони, со помош на други, успеала да го извлече телото на својот сопруг на безбедно.
Веднаш следната вечер, истата лавица нападнала друг камп во близина, обидувајќи се да влезе во шаторот на друг туристички пар. Снимките од инцидентот наскоро се појавиле на социјалните мрежи, на кои се гледа уништената опрема и хаосот во кампот.
Поради зголемената опасност за луѓето, намибиското Министерство за животна средина и туризам донело одлука да ја еутанизира лавицата Чарли.
„Животното го изгубило стравот од луѓето и претставувало постојана закана за локалните жители и туристите“, изјавил портпаролот на министерството. „Донесовме болна, но неопходна одлука.“
A prominent Namibian businessman, Bernd Kebbel, tragically lost his life after being mauled by a lion.https://t.co/wcykKWZlvk
— Getaway Magazine (@GetawayMagazine) June 2, 2025
„Не сакавме да умре“
Бернд Кебел, по потекло од Германија, бил познат по својата љубов кон природата и големите донации за проекти за зачувување на лавовите, вклучувајќи ја и поддршката за „Проектот за пустински лав“, кој ги следи движењата на лавовите во овој недостапен регион.
„Не сме лути. Најдовме мир. Не сакавме Чарли да умре“, рече Кони. „Трагедијата се случи на место што го сакавме.“ 12-годишната лавица била на работ на смртта, екстремно гладна, што најверојатно предизвикало да го изгуби својот природен страв од луѓето и да нападне.
