Џозеф Ботман, 32, бил уапсен откако неговата 21-месечна ќеркичка била пронајдена мртва, врзана за детско седиште во округот Медисонвил, каде што била заклучена во возилото со часови, објави Дејлимејл.
Канцеларијата на шерифот на округот Сент Тамани добила повик кратко пред пладне дека член на семејството го пронашол детето во несвест во автомобил, соопшти полицијата.
Истрагата утврдила дека Ботман ја зел својата ќерка од куќата на роднина тоа утро откако наводно „конзумирал неколку алкохолни пијалоци“. Тој го врзал детето за детското седиште околу 2:30 часот наутро, но потоа се вратил дома и никогаш не се вратил во автомобилот.
Температурата во округот тој ден достигнала 35 степени Целзиусови, но топлината во возилото правела да се чувствува како да е над 40 степени.
„Ова е катастрофална загуба со која ниедно семејство не сака да се соочи“, рече шерифот Ренди Смит.
„Кога дете е оставено во возило, особено на ден кога индексот на топлина е над 100 степени Фаренхајтови, исходот може да биде фатален за само неколку минути. Во овој случај, преовлада лошата проценка и последиците се трагични“, додаде тој.
Louisiana father charged with murder after leaving daughter, 1, inside 105F car for NINE hours https://t.co/MBNjxf5LgC
— Daily Mail (@DailyMail) June 10, 2025
Ботман е обвинет за убиство од втор степен и моментално е во притвор со кауција од 75.000 долари. Ова не е прва средба на Ботман со законот. Тој е регистриран сексуален престапник.
Во јуни 2019 година, тој бил уапсен од ФБИ заедно со повеќе од 60 други лица како дел од операцијата „Скршено срце“, операција спроведена од Одделот за онлајн криминал врз деца и Канцеларијата на американскиот обвинител. Ботман бил осуден за онлајн заведување на малолетно лице, покажуваат судските записи.
Ќерката на Џозеф Ботман е петтото дете во Соединетите Држави што починало откако е оставено во прегреан автомобил од почетокот на оваа година. Вкупно, најмалку 1.130 деца починале на овој начин во Соединетите Американски Држави од 1990 година, додека најмалку 75.000 преживеале со сериозни повреди.
Во просек, 38 деца умираат секоја година во Соединетите Американски Држави откако биле оставени во жешки автомобили, а 88 проценти од нив се под тригодишна возраст, покажува црната статистика.
Најновиот случај оваа година се случи на 25 мај, кога едногодишно момче почина во пикап во Албукерки, Ново Мексико. За момчето се грижел роднина кој тврди дека едноставно заборавил дека детето е во возилото.
Националната метеоролошка служба проценува дека внатрешната температура во преполните автомобили во топли денови може да достигне над 60 степени.
