Претседателот на САД, Доналд Трамп најави голема инвестиција за изградба на инфраструктура за вештачка интелигенција предводена од јапонскиот гигант Softbank, облак гигантот Oracle и ChatGPT / OpenAI.
Тој потфат, наречен „Старгејт“, „ќе инвестира најмалку 500 милијарди долари во инфраструктурата за вештачка интелигенција во САД“, рече Трамп во изјавата во Белата куќа.
„Овој монументален потфат е звучна изјава за доверба во потенцијалот на САД“.
Главниот извршен директор на OpenAI Сем Алтман, шефот на SoftBank Масајоши Сон и основачот на Oracle, Лери Елисон, присуствуваа на објавата.
Нивниот проект ќе инвестира првични 100 милијарди долари и до 500 милијарди долари во текот на следните четири години, според Сон.
Овој потфат доаѓа додека големите технолошки играчи се обидуваат да ги задоволат компјутерските потреби на вештачката интелигенција, како и да најдат електрична енергија неопходна за проширување на новата технологија.
Трамп е подготвен да му дозволи на Илон Маск да го купи TикТок доколку извршниот директор на Tесла тоа го сака
Американскиот претседател Доналд Трамп изјави дека е отворен за можноста технолошкиот милијардер Илон Маск да ја купи апликацијата за кратки видеа TикТок, доколку извршниот директор на Teсла сака да го стори тоа.
„Би бил подготвен ако сака да ја купи“, рече Трамп одговарајќи на новинарско прашање дали Маск е подготвен да ја купи социјалната платформа.
Американскиот претседател претходно потпиша извршна наредба со која се одложува забраната на апликацијата TикТок за 75 денови во САД.
