Индискиот премиер Нарендра Моди го поздрави враќањето, нарекувајќи го „радосен ден за културното наследство“ и велејќи дека тоа ќе го направи секој Индиец горд.
Sotheby's returns Buddha jewels to India after uproar https://t.co/vzy3fkmWje
— BBC News (World) (@BBCWorld) July 31, 2025
Аукцијата засега одложена
Моди рече дека скапоцените камења се историски вредни и дека нивното враќање се вклопува во пошироката цел на Индија за враќање и зачувување на своето културно наследство.
Колекцијата, која вклучува повеќе од 300 скапоцени камења, датира од времето на Маурјанската империја, околу 240-200 година п.н.е.
Скапоцените камења првично требало да бидат продадени на аукција на Сотби во Хонг Конг во мај, но аукцијата беше одложена откако индиската влада побара тие да бидат вратени во земјата.
Биле откриени во 1898 година
Индиското Министерство за култура, заедно со приватниот сектор, започнале иницијатива што овозможи враќање на скапоцените камења, а купувачот што ја олесни продажбата беше индискиот конгломерат Годреј Индустрис Груп.
Piprahwa Buddha relics worth millions of dollars return back to India after 127 yrs. In a total thriller, the Indian govt intervened to stop Sotheby’s auction in Hong Kong, with the matter being raised with the UK. Godrej acquired them & they will be displayed at ntl museum. https://t.co/QP5l7UUwlY pic.twitter.com/x2emZKrams
— Sidhant Sibal (@sidhant) July 30, 2025
„Сотбис“ го изрази своето задоволство во соопштение дека го олесниле враќањето на скапоцените камења во Индија, додека Министерството за култура на земјата изјави дека тоа е пример за „успешно јавно-приватно партнерство, усогласено со пошироката цел на индиската влада за враќање на културните богатства што со децении се расфрлани низ целиот свет“.
Скапоцените камења биле откриени во 1898 година во селото Пиправи, во северна Индија. Ги пронашол англискиот менаџер за имоти Вилијам Клакстон Пеп.
Скапоцените камења во приватни колекции
За време на ископувањето, пронајдени се фрагменти од коски за кои се верува дека се остатоци од Буда, заедно со скапоцени камења.
На Пеп подоцна му било дозволено да задржи повеќе од 300 дупликати од скапоцените камења, кои останале во неговото семејство со децении.
Овие скапоцени камења со текот на времето биле во приватни колекции.
