Зборувајќи пред публиката, Хари откри како како момче се борел да ја прифати улогата што му била наменета. „Откако почина мајка ми, непосредно пред мојот 13-ти роденден, си помислив: „Не ја сакам оваа работа. Не ја сакам оваа улога, каде и да води, не ми се допаѓа“. Тоа ја уби мајка ми и јас бев силно против тоа и со години ја криев главата во песок.
Конечно сфатив - почекајте малку, ако некој друг беше во оваа позиција, како би ја користел оваа платформа и ресурсите што доаѓаат со неа за да направи промена во светот? И што би сакала мајка ми да направам? И тоа навистина ја промени мојата перспектива“, сподели Хари.
Хари призна дека со години се соочувал со чувство на загуба и многу притисок, и надворешен и внатрешен.
„Имаше многу моменти кога се чувствував преоптоварен. Моменти кога се чувствував изгубен, предаден или целосно немоќен. Моменти кога притисокот, и надворешниот и внатрешниот, изгледаше неуморен. И моменти кога, и покрај сè, морав да се појавам преправајќи се дека сè е во ред, за да не разочарам никого“, рече принцот.
Неговото признание допре до многумина, бидејќи ретко зборува толку отворено за своите лични борби.
Инаку, принцезата Дајана го загуби животот кон крајот на август 1997 година во сообраќајна несреќа во Париз, кога имаше само 36 години. Тој настан засекогаш го промени животот на нејзиниот син, кој денес, како што вели таа, се обидува да ја искористи својата позиција за нешто добро, токму онака како што би сакала неговата мајка, пренесува Ona.rs.
