Истражувањето на компанијата „Итило“, која е филијала на компанијата „Аперли“ специјализирана за превенција и следење на зависноста, покажа дека во 2017 година, 2,6 проценти од вработените биле позитивни на алкохол, додека тој процент се искачил на 5,3 проценти во 2024 година, објави париски „Фигаро“. Според извештаите, потрошувачката на алкохол и дрога се зголемила од епидемијата на ковид.
„Не очекувавме таков скок“, рече основачот и претседател на „Аперли“, Жан-Жак Кадо, за парискиот весник.
La consommation de drogues et d'alcool au travail a augmenté de 107% en huit ans, selon une étudehttps://t.co/1KbAUnwvew
— franceinfo (@franceinfo) June 12, 2025
Иако трендот на раст беше релативно стабилен до 2021 година, во периодот од 2022 до 2024 година, забележано е зголемување од 43 проценти кога станува збор за консумирање алкохол, а од 52 проценти кога станува збор за дрога, заклучува студијата.
Истражувањето покажа дека употребата на кокаин доживеала „бум“ од 2017 до 2024 година, бидејќи се зголемила за дури 13 пати.
L’augmentation de la consommation de drogues a bondi de 107 % sous l’administration Macron https://t.co/Zg1LG647dp
— 99% YOUTH (@99percentyouth) June 12, 2025
„Додека претходно кокаинот беше резервиран за забави или урбани средини, сега се проширил на градилишта, магацини, работилници“, се наведува во студијата.
Една од причините што го објаснува ова е групниот ефект што станува изразен кога се користат дроги во работниот колектив, објавува Фигаро.
Пример што го докажува ова е случајот кога на градилиште во ноќната смена 21 работник, од кои седуммина се вработени одреден временски период и живеат заедно, биле позитивни на кокаин, според студијата.
Еден од нив рекол дека друг колега донел дрога што потоа колективно ја консумирале.
Друг фактор се тешките услови за работа, изолацијата, несигурниот сместувачки капацитет, како и недостатокот на пристап до информации.
Како што се вели во заклучокот на студијата, привремено вработените се повеќе изложени на консумирање алкохол и дрога.
Иако оваа категорија опфаќа само 15 проценти од вкупниот број испитаници, тие сочинуваат 25 проценти од случаите позитивни на канабис, 31 процент од корисниците на кокаин и 18 проценти од случаите позитивни на алкохол, покажа студијата.
Во исто време, консумирањето алкохол значително се зголемува во вечерните и ноќните часови.
Во оваа студија беа опфатени повеќе од 110.000 луѓе низ цела Франција, помеѓу јануари 2017 година и април оваа година, потсети Фигаро.
Извор: Б92
