Девојката била сексуално нападната пред свршувачката и останала бремена.
Таа била бремена пет месеци кога била застрелана од нејзиниот вереник.
Се верува дека нејзиниот вереник ја убил од „чест“.
Оја била верена со 19-годишниот Самет и, според dha.com.tr, била сексуално нападната и останала бремена. Кога вереникот дознал за нејзината бременост, веднаш ја раскинал свршувачката.
Самет ја повикал вереницата Оја по телефон во четвртокот вечерта и ја замолил да се сретнат и да разговараат.
18-годишната девојка отишла на состанокот во придружба на нејзиниот 13-годишен брат.
Под околности кои сè уште не се разјаснети, 19-годишникот извадил пиштол и пукал во градите и увото.
19-годишникот избегал со автомобилот на својот татко, додека граѓаните кои го слушнале пукањето ја известиле полицијата.
Осумнаесетгодишната девојка била однесена во болница каде што била оперирана, но лекарите не можеле да ја спасат неа или бебето.
Полицијата го пребарала поширокото подрачје и го уапсила 19-годишникот во куќата на неговиот чичко. Сторителот кој сексуално ја нападнал Оја бил уапсен и однесен во затвор.
Според телевизијата Екол, сторителот бил однесен во обвинителството, а кога еден новинар го прашал зошто ја убил Оја, тој одговорил „Немам никакво жалење, заминете си!“.
