Случајот, кој привлече внимание од јавноста, заврши со пресуда во нивна корист, со исплата на 88.000 евра отштета и дополнително покривање на судските трошоци.
Како сѐ започна?
Имено, откако беа поврзани со „нечесно и срамно однесување“ на интернет, како и во некои британски медиуми, членовите на семејството Мекгваер решиле да ги свртат работите и да го вратат својот нарушен углед.
Сè започнало со посета на ресторан во англискиот град Тајдсвел. Таму уживале во богата вечера, а сметката била околу 175 евра.
Семејството платило уредно, но вработениот во ресторанот не ја внесол трансакцијата во касата, што предизвикало забуна, објавува Дејли Меил.
Ресторанот спроведе истрага
Недолго потоа, нивните фотографии од безбедносните камери беа објавени на Фејсбук страницата на ресторанот, со образложение дека не ја платиле сметката, што беше повторено во локалните медиуми.
Семејството ангажирало адвокат и поднело тужба, тврдејќи дека објавата е „целосно лажна и не се базира на никакви факти“.
Ресторанот спроведе истрага, ја утврди ненамерната грешка на вработениот, јавно се извини и прифати вонсудска спогодба.
Pub forced to pay family £75,000 after false 'dine and dash' accusationshttps://t.co/PwPwE54euV pic.twitter.com/CeLETEiRd2
— The Mirror (@DailyMirror) May 5, 2025
„Мора да платите со картичка“
„Многу сме задоволни од исходот. Нивните имиња се јасни и вистината излезе на виделина“, рече адвокатот на одбраната Дарах Карни.
Во објава на Фејсбук, ќерката Керол Мекгир додаде: „Десет месеци подоцна... Фала му на Бога што заврши. Нашиот углед е обновен.“
Таа им даде и совет на своите пријатели: „Не плаќајте пред да изедете сè и не заборавајте да користите картичка, бидејќи без доказ нема заштита“.
